My Dream my life

2010-02-09

今日book左11:10am,又係好快就到我~今日小小b係3389g,成個打側訓,超聲波show出黎預產期已經係2月18日.我心中都好驚小小b等唔切18號就出世,加上呢幾日個肚實在太重又辛苦,P先生又認為早d開刀比較好,所以決定提前開刀.醫生話冇問題,因為bb size都好足,不過都要睇手術室有冇位,我就揀2月12日上午.

2010-02-02

又係10:50am,今日遲左成11點去到,不過等半個鐘多d就到我~小小b個姿勢同上一次一樣都係扒0係度,size已經係3183g成7磅,各方面都好好,醫生摸我個肚話頭仔落左一半盤骨.

2010-01-19

前一晚訓唔著眼光光去到天光,不過好累都要去產檢.p先生話產檢好快者,我地約左10:50am.之前兩次都好快就到我,點知今日一去到診所成村人坐晒0係度,原來醫生有事遲左返.好眼訓又累....等到12:00pm先有得睇.

2010-01-08

2010-01-05

今日返翹康產檢,等左唔夠半個鐘就有得睇~小小B有1990g 4.38磅,標準size,今次小小b已經調左頭丫,醫生話應該唔會轉返上去.睇完小小b醫生問我揀左日子未,其實我仲未決定邊日.跟住我問左關於開刀問題,因為其實我都好驚架~

2009-12-31

今日又是內科覆診日子,3:30pm去到,等到5:30pm先有得睇...真係好怕去政府覆診,人又多等又耐,醫院又多細菌,又唔係個個肯帶口罩

2009-12-28

之前吉之島做八折買左唔算好多,一心想等佢12中後大減價,點知又係做八折...算啦~唔想再等~買左先~

2009-12-17

今日返私家產檢,小小b有1487g,仲未轉頭仔.醫生話預產期comfirm係3月1 日,叫我可以揀日子開刀.

2009-12-14

永安減價做到琴日,最後決定買aprica 625 high chair.之前仲想考慮下先,但原來想要都冇現貨,訂貨要2月尾先返.琴日打去佐敦永安aprica 625粉藍色訂貨還有最後一部,即刻叫p先生去比錢訂貨,折左$1998

2009-12-02

今日下午先去診所抽血驗甲狀腺,依家抽血對我黎講已經係小事.雖然食左補充劑之後甲狀腺一路都正常水平,但因為bb越大需要甲狀腺越多,所以要keep住驗至到生.

2009-11-17

今早約了10:10am去產檢,果然朝早快好多,去到唔洗十分鐘已經到我.陳醫生話小小b依家有2磅了,屬於標準size,仲話bb呢6至8個月keep住呢個size大,應該會係標準至大碼bb.其實最近幾個月冇湯水,又少飲奶食蛋,估唔到小小b都咁叻仔,可能因為每晚我都同佢打氣,又叫小小b要健健康康肥肥白白怪不得由朝到晚都不停郁,可能真係營養夠精力過盛啦~

2009-11-13

如果用返之前預產期(2月24日)計算,今日小小b係25週2

2009-10-30

 2009-10-22

報了仁安醫院的產前講座一共六堂,今晚上第一堂(產前護理).因為上堂時間是7:00pm至8:30pm,正值晚飯時間,所以講座有食物供應

2009-10-15

2009-10-13

私家產檢轉了睇陳帆,今朝11:50am去到診所,等了差唔多一個鐘就有得睇.上一次見小小b已經係9月頭了,終於又可以見面.今次亦確定了小小b是男仔,不過小小b仍然比預產期遲一星期左右,陳醫生話都正常的,可能係排卵遲左.既然小小b每次照都是遲一星期,我相信都是正常的.

2009-10-08

又一早返去政府產檢,等到第三個就到我,超快~今次都係聽小小b心跳,冇得照超聲波,勁失望,因為我仲未知小小b係男定女呢...不過下星期就照結構了,超緊張,希望一切順利.今日醫生聽到我咳,我話星期日感冒去了睇醫生,幸好冇發燒.醫生開了咳葯水比我,產科醫生開比我就放心好多,之前診所醫生開的咳葯水都唔敢飲.不過其實我已經差唔多好返,支咳葯水我留黎看門口~

2009-09-27    18週4

早上睡醒突然感到肚有點郁動,用手按住等了一陣又跳動了一下,這是小小b第一次胎動,很感動又覺得很得意.之後一整天叫了很多次小小b都冇動靜,到了晚上臨訓前,又感到胎動了今次第一時間叫p先生摸下,跟住個肚彈了一下,p先生勁興奮

2009-09-03

早上9:45am返去產檢,10:15am已經有得見醫生,超快!今次見的醫生好像是第一次產檢果個,醫生冇幫我照超聲波(5次產檢得今次冇得照),只係比小小b心跳我聽就話ok丫,好彩早兩日先同小小b見面.跟住問醫生上次照oscar bb size好似細左,預產期要唔要改,醫生望返個報告之後話唔洗改,早兩日仁安個醫生又話預產期要改遲,都唔知邊個先係真.因為一切正常所以好快就走得

2009-09-01   14週5

今日去仁安第一次產檢,約左2:30pm排第二個,但都等到3:45pm左右先有得睇.今日醫生話小小b size比週數少了5天,將預產期改遲了5天,其他一切都正常.跟住問醫生知唔知是男定女,醫生話未咁快睇到跟住醫生睇返我同p先生在仁安的婚前檢查報告,醫生話建議我地都抽血驗一驗地中海貧血,因為上次的婚前檢查是沒有驗地貧.醫生開了維他命比我,跟住我同p先生去抽完血就去繳費,埋單二千幾,維他命原來是惠氏,下次自己買好了